Astro Welfare
Related Articles
मुदाकरात्तमोदकं सदा विमुक्तिसाधकं
कलाधरावतंसकं विलासिलोकरक्षकम् ।
अनायकैकनायकं विनाशितेभदैत्यकं
नताशुभाशुनाशकं नमामि तं विनायकम् ॥१॥
नतेतरातिभीकरं नवोदितार्कभास्वरं
नमत्सुरारिनिर्जरं नताधिकापदुद्धरम् ।
सुरेश्वरं निधीश्वरं गजेश्वरं गणेश्वरं
महेश्वरं तमाश्रये परात्परं निरन्तरम् ॥२
समस्तलोकशंकरं निरस्तदैत्यकुञ्जरं
दरेतरोदरं वरं वरेभवक्त्रमक्षरम् ।
कृपाकरं क्षमाकरं मुदाकरं यशस्करं
मनस्करं नमस्कृतां नमस्करोमि भास्वरम् ॥३॥
समस्तलोकशंकरं निरस्तदैत्यकुञ्जरं
दरेतरोदरं वरं वरेभवक्त्रमक्षरम् ।
कृपाकरं क्षमाकरं मुदाकरं यशस्करं
मनस्करं नमस्कृतां नमस्करोमि भास्वरम् ॥३॥
अकिंचनार्तिमार्जनं चिरन्तनोक्तिभाजनं
पुरारिपूर्वनन्दनं सुरारिगर्वचर्वणम् ।
प्रपञ्चनाशभीषणं धनंजयादिभूषणम्
कपोलदानवारणं भजे पुराणवारणम् ॥४॥
नितान्तकान्तदन्तकान्तिमन्तकान्तकात्मजं
अचिन्त्यरूपमन्तहीनमन्तरायकृन्तनम् ।
हृदन्तरे निरन्तरं वसन्तमेव योगिनां
तमेकदन्तमेव तं विचिन्तयामि सन्ततम् ।।५।।
महागणेशपञ्चरत्नमादरेण योऽन्वहं
प्रजल्पति प्रभातके हृदि स्मरन् गणेश्वरम् ।
अरोगतामदोषतां सुसाहितीं सुपुत्रतां
समाहितायुरष्टभूतिमभ्युपैति सोऽचिरात् ॥६॥
सुरागलोकदुर्ल्लभम् विरागिलोक पूजितम्।
सुरासुरैर्नमस्कृतं जरापमृत्युनाशकम्।
गिरागुरुं श्रियाहरिम् जयंति यत्पादर्चका।
नमामि तं गणाधिपम् कृपा पयः पयोनिधिम्।।७।।
गिरिन्द्रजा मुखाम्बुजम् प्रमोददान भास्करम्।
करींद्र वक्त्र मानताधसधम् वारणो द्यताम्।
सरीसृपेशनद्ध कुक्षिमाश्रयामि संततम्।
शरीरकान्ति निर्जिताब्ध बन्धु बाल सन्ततिम्।।८।।
शुकादि मौनिवंदितं गकारवादिमक्षरम्।
प्रकाममिष्टदायकम् सकाम नम्र पंक्तये।
चकासत चतुर्भुजै विकासि पद्म पूजितम्।
प्रकाशितात्मतत्वकम् नमामि तं गणाधिपम्।।९।।
नाराधिपत्व दायकम् स्वरादिलोक नायकम्।
ज्वरादिरोगवारकम् निराकृता सुरव्रजम्।
कराम्बुजोल्लाससृणिं विकारशून्य मानसै:।
हदा सदा विभावितम् मुदानमामि विघ्नपम्।।१०।।
श्रमापनोदनक्षमम् समाहितान्तरात्मनाम्।
सुरादिभि: सदार्चितम् क्षमानिधिम् गणाधिपम्।
रमाधवाद पूजितं यमान्तकात्म सम्भवम्।
शमादि षड्गुणप्रदम् नमाम्यहम् विभूतये।।११।।
गणाधिपस्यपंचकम् नृणामभीष्ट दायकम्।
प्रणाम पूर्वकम् जना: पठन्ति ये मुदा युता:।
भवन्ति ते विदां पुर: प्रगीत वैभवा जना:।
चिरायुषोधिक श्रियः सुसूनवो न संशयः।।१२।।
